காதல் தின்றவன் -14

களைந்த படுக்கையை
ஒழுங்கு படுத்தினோம்,
கட்டில் உறங்கிட.

Tweet

காதல் தின்றவன்

உன் 
காதலென்ற கொடும்பசிக்கு
பெருந் தீனியாகிவிடுகிறது
உன்
முத்தப்பருக்கைகள்.

Tweet

காதல் தின்றவன் - 36

நம்

காதலை

உயிராய் வளர்க்கும் உன்னை,

கருவுற்றிருப்பதாய்ச்

சொல்கிறார்கள்.

Tweet

காதல் தின்றவன் - 27

நம் 
காதலுக்கான
தேசிய கொண்டாட்டம்
உன் பிறந்த நாள்.

Tweet

காதல் தின்றவன் - 37

என் 

பரந்த மனப்பரப்பை

பற்றாக்குறையாக்கி விடுகிறது,

உன்

அடர்ந்த காதல்.

Tweet

காதல் தின்றவன் - 30

நீயும் நானும்
பேசிக்கொள்ளும் சொற்களிலிருந்தே
தனக்கான,
கவிதையை எழுதிக்கொள்கிறது
இந்தக் காதல்.

Tweet

மயிலிறகு

நரை தொடங்கிய 
வாழ்வின் நடுப்பகுதியில் நாம்

உனக்கும்
குடும்பம் குழந்தைகள்.

எனக்கும்
குடும்பம் குழந்தைகள்

அன்று...
நீ கொடுத்த மயிலிறகு
இன்றும்
என் புத்தகத்தின் நடுவே.

அது
குட்டியும் போடவில்லை
செத்து போகவும் இல்லை.

Tweet

காதல் தின்றவன் -13

சீப்பில் சிக்கிய
தலைமுடிகளை
தூர எறிகிறாய் நீ.
காத்துருந்து
களவாடிச் செல்கிறது
காற்று.

Tweet

காதல் தின்றவன் - 47

கொஞ்சம்
வெளியே வா...
உன்னைக் காட்டித்தான்
சோறூட்ட வேண்டும்,
நிலவுக்கு.

Tweet

காதல் தின்றவன் - 45

பெருங்காடு அழிந்தபின்
வெறிச்சோடிய நிலப்பரப்பாய்
மனதை வெறுமையாக்கிவிடுகிறது,
உன்
சிறு பிரிவு.

Tweet

காதல் தின்றவன் - 44

பச்சையத்தை
சேமித்து உயிர்வாழும்
வறண்ட நிலதாவரமாய்
வாழ்ந்துகொண்டிருக்கிறேன்.
நீ,
வராத நாட்களில்
சேமித்த உன் நினைவுகளோடு.

Tweet

காதல் தின்றவன் - 42

காதலில்
பசலைநோய் சாத்தியமாம்.
வா... நாம்,
பசலைக்கு
காதலைப் பரப்புவோம்.

Tweet

காதல் தின்றவன் -40

கோபித்து சென்றுவிட்டாய்.

நெருப்புக் கட்டிகளை

நெஞ்சில் சுமக்கிறேன்,

நீ வந்தனை.

Tweet

காதல் தின்றவன் - 21

உனதான பாதி
எனக்கும்,
எனதான பாதி
உனக்குமானதில்
நமதாகிப் போனது காதல்.

Tweet

காதல் தின்றவன் - 41

சொல்பேச்சி கேட்காமல்
மழையில் நனைகிறாய்,
இன்று
எதைநான் போர்த்திக்கொள்ள?

Tweet

காதல் தின்றவன் -26

உன் 
வெட்கம் தின்றே
பசியாரிக் கொள்கிறது,
என் காதல்.

Tweet

காதல் தின்றவன் -24

பூ விற்கும் பெண்மணி
கூடை நிறைய
சுமந்து திரிகிறாள்
உன் வாசத்தை.

Tweet

காதல் தின்றவன் -23

உன்னையும் என்னையும்
ஒருசேர தின்பதே
காதலின் களிப்பு.

Tweet

காதல் தின்றவன் -22

நீயும் நானும்
சந்தித்தாலே...
இந்தக் காதல்
சலங்கைக்கட்டிக் கொள்கிறது.

Tweet

காதல் தின்றவன் - 17

பிடித்த உடை எதுவெங்கிறாய்
நான்
நீ எங்கிறேன்.
உடுத்திக் கொள்ள வா?! 

Tweet